Shillong: Ka Shillong Lajong kan iakynduh ia ka Kerala Blasters ha ka phainal ka U-18 Youth League ban long ha ka sngi Saitjain hadien ba ka la pylliem ia ka East Bengal hynne ka sngi da 2-0 kol ha ka jingiakhun ha JN Stadium Polo, Shillong. Ka jingiaknieh nam lahduh kan long ha ka sngi Saitjain ha ka por 4:30 Pm.
U nongialehkai ka Lajong, u Phrangki Buam u la thep da ka free-kick ha ka 76 minit bad da ka penalty 10 minit hadien kane, ban pyllong ia ka Lajong ban tam 2-0 kol ia ka East Benga.
Katba Kerela Blasters ka la pylliem ia ka SAI Kolkata da 2-1 ban pynthikna ba kan rung sha kane ka phainal.
Ka jingialehkai ka long kaba iakhaid bha hapdeng ka Lajong bad ka East Bengal hynrei ka lad ka la noh sha ka Lajong ban ioh ia ka nam jop.
Hadien ba la shah thep ha ka 76 minit, ka East Bengal ka la kiew ka jingkhluit ban iakhun satar ban ioh pynphai bad kane ka jingleh jongka, ka la pyllong ia ka Lajong ban ioh da ka penalty ha ka 86 minit.