Hadien shi bnai tam ka jingjia ia kulmar ha pdeng ki paidbah bad ki pulit ha Motphran hadien ba la wai ka shong kyrain ka CSWO ha Madan Student kaba la long ha ka 25 tarik u Nailur. Ki pulit ki la kem ia u Bah Anthony Kharbuli,48 snem karta, uba dei u nongialam barim ka KSU bad uba ju don ha syndah U bah Bull N Lyngdoh ha ki snem ’90 bad nangta ha kine ki sngi, u dei ruh uwei na ki dkhot jong ka seng sain pyrthei KHNAM.
Ha ka jingthoh lyng kot, ba la phah da U Bah M Kharkrang, la kynnoh ba U Bah Anthony Khar buli, u dei uwei na ki nongkynshoit ha ka jing ia pyni bor hapdeng ki paidbah bad ki pulit ha Motphran ha ka nohsngi jong ka 25tarik Nailur 2013, ha kaba la ong ruh ba ha katei ka jingjia, ki la don katto katne ngut ki pulit ba ki la mynsaw. Ki pulit ki la kem ia u Bah Anthony mynta ka sngi na Springside.
U bah Anthony Kharbuli, ula dei U Vice President, ha ka por ba U bah Bull N Lyngdoh, u long U President jong ka KSU, ha ki snem 90.
Phi don ban ong eiei?