Shillong:Ki dkhot jong ka All Meghalaya Dancers Association, ki la leit ban buh ia ka dorkhas ha ka kti jong u Bah Banteidor Lyngdoh u ba long ruh u Youth Minister jong ka Sorkar MDA, ha ka 15tarik Jymmang 2018 bad katei ka dei, hadien ba ka seng ka la dep ban ia kynduh ia u Conrad Sangma myntri rangbah ka Jylla bad la ia phylliew jingmut bad u halor ki samla don sap shad bad rwai ka juk mynta jong ka Jylla.
U bah Kitbok Thabah, President ka seng, u la ioh ban ia kren bad ban iatai sani bha bad u myntri ban kham pynkloi noh ban pynurlong ia ka jingthmu jong ka Association. U la ban jur halor ka jingeh jong ki samla kiba leit ban shim bynta shabar jylla, ha ka leit ka wan ka jinglut jingsep kaba na ka liang ka seng kan lah ban kyrshan shibun; hynrei ka don kam ia ka jingiarap lem na ka liang ka sorkar, u la pynpaw ruh ba ha ka jylla Meghalaya ki don shibun bah ki samla bad ki hep kiba rit kiba don ia ka sap kyrpang ha ka shad bad ka rwai kumba ka seng ka ju leit kylleng ki District jong ka Jylla Meghalaya ban wad ia ki riew don sap bad ki ju plie ruh ka lad ia shibun ki jylla ban leit shim bynta ha ki rynsan jong ka Ri India ka jingmih khmat jong ba bun ki samla bad ki hep kiba rit ka wan rah ia ka nam ka burom ia ka State Meghalaya jong ngi bad ki long ruh kum ki Ambassador ban pynithuh ia lade na ka rynsan jong ka National Level TV Show bad na ka liang u myntri, u la kular ban shim khia halor ki mat jingdawa jong ka Seng kiba don nongrim na ka bynta ka lawei ki samla ki heprit ka jylla.