La kham ioh bor, uba shah thang ha Bishnupur

shillong,19 Naiwieng:
U Deputy Commissioner ka East Khasi Hills u Sanjay Goyal u la iathuh ba ki bor District haduh mynta ki dang iai budien da kaba iai kylli na ki bor Hospital kaba ha Guwahati kaba u Bisheshwar Das u la shah sumar. U DC u la ong ba utei u lanot shah kawang Petro bomb ha ki riew tap khmut tap khmat ha ka dukan sha jong u u la kham ioh bor . “Dang mynta ha ka por 4 baje janmiet ngi la ia kren bad ki bor Hospital na Guwahati bad ki la iathuh ba u Das u la kham ioh bor” ong u Sanjay Goyal Deputy Commissioner East Khasi Hills uba la ong ruh ba ka jingiai wad jingtip jong ka sorkar ia ka jinglong jingman u Das ka dei ym tang na Hospital hynrei kumjuh ruh na ki ba haing ha sem jong u.
Shuh shuh halor ka jingshah kawang Petrol Bomb u Das ha ka dukan sha jong u ha Bishnupur, u Superitendent of Police East Khasi Hills u Bah M Kharkrang u la ong ba haduh mynta ki pulit kim pat ioh kem iano iano ruh na katei ka jingjia bad u la kam ba shen ki pulit kin sa kem ia kitei ki runar tap khmat kiba la leit ban thombor ia ka dukan u Das.
Kum ban shu pynkynmaw ba ha ka sngi saitjain ba la dep, ki riew runar kiba la tap jain ia ki khmat ki la hiar sha katei ka dukan sha jong u Bisheswar Das kaba don ha Bishnupur bad ki la kawang Petrol bomb ha kaba la iathh ba 50 na ka shispah ka met jong u ka la pdung ding. La phah sumar ia u sha Woodland hospital hynrei namar ba ka jingmynsaw ka la jur palat la pynkynriah noh ia u sha ka Hospital kaba don ha Guwahati. Haduh ba thoh ia kane ka khubor u Das u dang don ha Nemcare Hospital ha Guwahati.