Iap 2 ngut ba hap ha pung & ka longkmie ba ar met

Shillong,18 Naiwieng:
Kawei ka longkmie kaba dang ar met ka la duh ei la ka jingim hadien ba ka la hap ha kawei ka pung tong um katba ka dang leit tong um. Katei ka longkmie ka dei ka kong Iardahun Suting,22 snem karta na ka shnong Umiew Pomlakrai. Ka kong Suting ka la ngam jyllop ha pung ha ka por ba ka dang thmu ban leit tongum hynrei ka la kum syntuid bad hap shapoh pung. Katei ka jingjia ka la jia mynta ka nohphai sngi ha ka por 2:30 baje eiei.
U lok jong ka kong Iardahun u Bah Lastonwell Kharkongor, na ka juh hi ka shnong u la pyrshang ban iarap ban pyllait im ia la ka lok, hynrei uba pli u la jan ngam jyllop pynban ialade, hynrei la lah ban sei bad pyllait im ia u. Kham hadien u bakha jong katei ka long kmie kaba dang armet u Bah Kilanson Marbaniang, 23 snem karta khun jong u P.Kurkalang u la wan da ka jingthmu ban pyllait im ia ka, hynrei ma u ruh u la hap lang pynban ha ka juh ka apot , ha kaba u la ngam jyllop ialade bad u la iap.