Shillong: Ka la don ka jingtyngkhuh kali ha Dhankheti, Shillong, hynnin ha ka por 1baje dang step phyrngab, kaba la pyniap ia uwei u briew bad sa kiwei pat kiba mynsaw. Uba iap la iathuh ba u dei U Ashish Agarwal, uba 24snem ka rta.
Ka kali kaba don ia u number ML-05-N 9494, kaba dei ka kali Honda jazz kaba rong lieh, ka leit tynrah ia ka lynti iaid kjat ha Dhankheti, hajan Bawri Mansion bad ka la kylla khongpong ha katei ka jingjia, ong ka khubor. Ia kiwei kiba mynsaw, la leit rah sha Woodland Hospital, Shillong.