Shillong:U Conrad K Sangma, myntri rangbah ka Jylla, ula ia kynduh hynnin ka sngi, ia u Piyush Goyal myntri ka tnat dewiong, ha kaba ki la iakren halor ka jingkhang dewiong ha ka Jylla, ha ka jingdon ryngkat U Amit Kumar Advocate General jong ka sorkar Jylla.
U myntri rangbah ha ryngkat U Advocate General, ki la iakynduh ruh ia ki heh sorkar jong ka tnat dewiong, ha kaba la don lang U Additional Secretary bad U Joint Secretary, ka tnat dewiong.
Halor katei ka jingiakren, la iathuh ba ki heh sorkar, kiba dei na ka tnat pyniaid dewiong, kin sa wan shen sha ka Jylla ban peit hi dalade ia ka jinglong jingman jong ki par dewiong, ong u myntri rangbah.
Ha kine ki ar bnai, U Conrad, ula ia kynduh lai sien ia u myntri jong ka tnat dewiong jong ka sorkar India bad la sngewthuh ba ka jingiakren, ka wan sha ka phang jong ka jing ia sngewthuh, na ka bynta ban pyllait noh ia ka jing ia khaii dewiong ha ka Jylla.