Weng kam ia ki 11 ngut:HANM

Shillong,18 Naiwieng:
Ka HANM-Khliehriat Circle ka la dawa jur na ki nong pyniaid District ba ki dei ban weng kam noh ia ki 11 ngut kiba ka seng ka la kynnoh ba la shu thung kam sop sop ha ka ophis u Deputy Commissioner, East Jaintia Hills ia ki bad ka la dawa ba dei ban weng noh ia ki shuwa ban pynlong ia ka eksam DSC.
Ka seng ka la byrngem ba lada ka ophis u DC kam lah ban weng kam ia kitei ki 11 ngut kiba ka seng ka la lap ba la shut hung kam sop sop ka seng kan iaid shakhmat da ki lynti jong ka jingiakhih bad ha ka juh ka por ka la byrngem ba u DC ruh u dei ban mih noh na katei ka district lada ym lah ban weng ia kitei ki 11 ngut. “ka East Jaintia Hills kam don kam ia ki briew kiba sop sop” ong u Samla Sambormi Lyngdoh, President ka seng.
Ka seng ka la pynpaw ruh ka jingsngew bitar ia ka jingthung kam sop sop ha katei ka ophis, ka la pynrem ia ka jingkam jong ka ophis ba ki dei tang ki nongtrei ba shipor hynrei ka la ong ba kitei tang shu dep ban ia leh ia ka eksam kin sa kylla ki nongtrei ba pura jong katei ka ophis.
Haka juh ka por naka liang jong ka HANM-East Jaintia Hills lyngba ka kyrwoh na u president, Bah Ency Shadap ka pynrem jur ia ki kam sop sop jong kane ka Ophis bad ka kyntu iaki nongpyniaid jong ka District ba ki dei ban sngap bad shah shkor iaki jing dawa jong ka HANM-Khliehriat Circle.