Shillong: Ka la don ka jing khyllem ding mynta ka sngi ha ki bynta jong ka Marten, ha Mawlai Mawiong, kaba la pynsahkut ia ka leit ka wan ha ka surok bah Shillong Guwahati.
Katei ka jingkhyllem jong ki dieng, ka dei ha ka por ba ka don ka jinghap slap bad ka jingkhie eriong, ha ka nongbah ha ka por 10.30 eiei mynstep. Wat la ka eriong, kam shym la neh slem, hynrei ki dieng kiba don ha arliang surok hajan Marten, ki la khyllem sha surok bah bad ki la don bun tylli ki kali kiba la julor, kiba la shah ban ha ki dieng, kiba la pait ki iit jongki bad la iathuh ruh ba ki don 14ngut ki briew kiba mynsaw bad 3ngut na kitei kiba mynsaw jur.
