Kurup pisa thok ki BSF

Shillong,18 Naiwieng:
Ki shipai iada khap pud ki BSF mynnin ka sngi ki la ioh ban kem ia uwei u briew katba u dang rung na Bangladesh sha india. Utei uba la shah kem u dei uba la tip kyrteng kum u Shaphrang Mastor 42 snem karta. La kem ia u ha ka por nohphai sngi . Ki shipai ki la ioh ban kurup T.20 hajar tyngka ki pisa thok na utei u briew, ar tylli ki SIM Card kawei ka Sim India bad kawei jong ka Bangladesh. La kem ia u na Borsora , South West Khasi hills District.
Katkum ka tyllong khubor, la iathuh ba ki shipai ki la kem ia u Mastor u ba dei na Shahlang ha ka por ba u dang rung na Bangla sha India da ka jingthmu ban wan pyniaid iew ia kitei ki pisa thok ha kylleng ki iew jong ka jylla. Ia u Mastor ryngkat bad ki tiar ba la ioh kurup na u ki shipai ki la aiti ha ki pulit ban leh ia kaba donkam bad ban tohkit.