19 haduh 21 Naiwieng, pakhang surok miet ki Sengbhalang

Shillong,17 Naiwieng:
Ki 14 sengbhalang kiba kynthup ia ka KSU, FKJGP, HNYF, GSU, JSU, RBYF, AJYWO, JYF, CSWO, KWAADA, AYWO, AIGU, ADE Bad FAF ki la pyn bna biang ba kin pynlong ia ka pakhang surok miet kaba lai sngi lynter kata naduh ka 19, 20 bad 21 tarik mynta u bnai bad katei ka pakhang surok miet kan sdang naduh ka por 8 baje mynmiet bad kan kut ha ka por 5 baje mynstep. Ki sengbhalang ki la iai bteng da ka pakhang surok miet kaba lai sngi kum ka jingpyrshah ia ka jingkuman ka sorkar ban pyntreikam ia ka ILP hapoh ka jylla.
Ka kyrwoh khubor, ba la phah da U bah MH Dkhar President AJYWO, ka maham ruh, ba lada ka sorkar kam shah shkor ia ki jingdawa jong ki Sengbhalang, ha ki sngi ki ban wan, kin pynkhreh, da ki jingiakhih kiba kham tyngeh.