Bthei 2, na 3 tylli ki Petrol bomb ha Lumdiengjri

Shillong,17 Naiwieng:
Mynta ka step ha ka por 2:45 baje eiei ki runar ki la kawang petrol bomb ha kawei na ki jaka sah briew kaba don ha Lumdiengjri, u wei u Petrol bomb u la bthei ha kawei ka ing jong u Avishek Chetri, 22 snem karta bad ka ing shet ja jong u ka la kem ding hynrei ym shym la don kano kano ka jingjulor ha katei ka jingjia. Ha ka juh ka por sa ar tylli pat ki Petrol bomb ki runar ha ka ing ba marjan bad ka jong u Avishek, ka dei ka ing jong ka ChandraBala Chetri 55 snem , uwei na ki u la bthei bad uwei pat um shym la bthei.Ha katei ka ing ka ding ka la ioh ban bam tang ia ki jain ki nep kiba wah shabar ka ing. Haba buddien ia katei ka jingjia, ki pulit ki la lap ia uwei u klong thep mit mit chloromint uba don Petrol bad na ka juh ka jaka ki la lap ruh ia ar tylli pat kiba kum kitei ki klong kiba la ing. Haduh mynta ym pat shym la ioh kem iano iano ruh na katei ka jingjia.