Ki khubor kiba jlih ban ai jingtip sha u paidbah:Mandal

Shillong, 17 Naiwieng:
U Lamphang ka Meg halaya Legislative Assembly u AT Mandal u la ong ha kane ka sngi Saitjain ba ki khubor ba mih ha ki kot khubor ki dei ban long kiba paka ban lait na ka jingshah shiliang, ka jingsngew hynrei ban thoh ia ka jingshisha ban ai ia ka jingtip kaba paka sha ki paidbah.
Haba kren ha ka rakhe ia ka National Press Day ha kane ka sngi Saitjain, u Mondal u la ong ba nalor ba don ka jinglaitluid ban kren ban pynpaw, ki lad pathai khubor ki dei ban ym shah shiliang hynrei ban bat ia ka jinglong pdeng haba ai jingtip khlem da shah liang ne sngew.
U Mondal u la ong ba ki dei ban pynshisha ia ki daw ki sakhi haba ki thoh ia kano kano ka khubor khnang ba ka jingtip ba la ai sha ki paidbah kan long kaba shaniah bad kaba dei.
Shwa ia kane, u Deputy Commissioner ka East Khasi Hills u Sanjay Goyal u la ong ba ki lad pathai khubor ki dei ban bud ia ki kyndon kiba paka haba thoh khubor.
U la ong ba ki lad pathai khubor ba mih na kane ka jylla, ki kham donbor ban ia kiwei kiba dei nabar bad namarkata, ka long kaba donkam ba kin ai ia ka jingtip kaba shisha bad kaba biang sha ki paidbah.
Ha kane ka sngi, la pynlong ia ka jingiatai halor ka phang “Ka kamram jong ki lad pathai khubor ban sahkri ia ki paidbah.