Shillong: Ka Shillong Lajong ka la shah pyllliem noh ha ka Dempo Sports Club da 2-1 kol ha ka jingiakhun jong ka lympung U-13 Youth League Final Round kaba long mynta ka sngi ha madan Howrah Stadium ha Kolkata.
Ia kine ki ar tylli ki kol jong ka Dempo kawei ka dei na ka jingbakla hi u nongialehkai ka Lajong u Mangkara Sambor Sun kaba la wan jia ha ka 27 minit katba kawei la thep da u Dwayne Pereira Neto ha ka 62 minit.
Kawei ka kol ia ka Lajong la thep da u Hamedamanbha Wahlang ha ka 52 minit.
Ka Lajong mynta kan hap ban pynkhreh ban iakhun sa ia ka Mohammedan Sporting Club ha ka 3 tarik Jymmang por 4 PM.