Iap 50 ngut ba bthei ka lieng suin

Moscow,17 Naiwieng:
50 ngut ki briew ki la iap, 44 ngut na ki ki dei ki nongleit jingleit katba 6 ngut pat ki dei ki nongtrei jong kawei ka lieng suin ka Boeing 737 kaba la bthei katba ka dang thmu ban hiar ha nongbah Russian ha Kazan, kane ka jingjia ka la jia mynta ka janmiet sngi u Blei.
Ka lieng suin na Moscow Domodedovo airport ka la thmu ban hiar madan ha ka sien kaba ar ha ka tei ka nongbah hynrei kynsan kynsan ka la bthei , katei ka liengsuin ka dei kaba la pyniaid da ka Tatarstan airline, ong ka khubor tnad sorkar. Ki nongpynlip ki la poi mar-mar sha katei ka jaka bad ki lap ha ka por ba ka ding ka dang klang bha. Haduh ba thoh ia kane ka khubor la iathuh ba ka Airport ha Kazan, ka jaka ba shong bun ki paidbah muslim jong ka Tatarstan, ka la khang, ong ki tyllong khubor.