Shillong: Ki lad khubor, ki iathuh ba ka don ka jingtwa kaba jur hynnin ka sngi ha Malidor jong ka East Jaintia Hills bad kaba la pynthut shibun ia ka leit ka wan jong ki kali ha katei ka thain.
Ka jingtwa, ka dei ha ka surok kaba dang shu shna thymmai bad la iathuh ba ka jingjrong jong katei ka jinghap khyndew, ka long kumba 150 metre eiei. Ka jinghap khyndew, ka jia hynnin ka sngi, ha ka por 11baje mynstep, na ka jingjur slap ha katei ka jaka bad katei ka jingjia, ka la pynsah kut ia ki kali na baroh arliang surok.
Katei ka dei ka surok kaba pyniasoh ia ka Meghalaya bad ka them Barak jong ka Assam bad kaba pyniasoh ruh ia ka Tripura.
