Shillong: Ka OM Roy Higher Secondary School, Mawlai ka la pylliem haduh 8-0 ia ka Umsaw Secondary School ha ka jingialehkai ka sngi sdang ka VI Inter School Knock Out Football Tournament ba la pyniaid da ka Federation of Khasi Jaintia and Garo People (FKJGP), Mawlai Cirlce ha madan Heh stadium, Mawlai Phudmuri hynnin ka sngi Thohdieng.
Ka OM Roy kaba la iohrah lai sien ia kane ka lympung, ka la lah ban thep san kol ha ka kyllastep bad sa lai kol ha ka kyllamiet ban pynleit thylli ia ka Umsaw.
Ia kane ka jingialehkai, la plie pyrda da u General Secretary ka FKJGP, Sengkmie u Dundee Cliff Khongsit ha ryngkat ka jingdonlang u president rangbah, u Bah Welbirth Rani, president ka Mawlai FKJGP, Mawlai Circle u Bah Marbud Dkhar, uba long ruh u Chief Organiser ka Seng-kmie, ki dkhot ka FKJGP, Mawlai, ki nonghikai bad ki khynnah skul.
Ki don baroh 18 tylli ki skul kiba la poi ban shim bynta ha kane ka lympung ialehkai phutol.