Kkhang 20 tylli ki dukan Lad Rymbai

Shillong,15 Naiwieng:
Ka FKJGP, Lad Rymai unit ka la khang khyrdep haduh kumba 20 tylli eiei ki dukan ha Lad Rymbaia hadien ba ka seng ka la lap ba ki nongdie dukan kiba dei ki bar jylla ki la shim kabu ban die haduh T.80 –T.150 shi kilo ka mluh. Ka FKJGP ka la iathuh ba ki nongdie dukan ha Lad rymbai ki la pyrshang ban thok ia ki dkhot ka seng kiba la leit ban jurip hynrei da ka jingphla bad ka jingirap ki nongthied mluh ki la lap ia ki jingshisha ha kaba baroh kitei ki dukan ki la pynphai ia ki pisa jong ki paidbah ba wan thied mluh bad ki la kular ruh ban dang pynphai ia ki pisa lada don ba wan pynphai ia ki mluh ba ki la thied.
Katkum ka kyrwoh ba la phah da u President jogn ka Khliehriat bad Narpuh circle ka la iathuh ba ka seng ka la leit ban ia kynduh ia U Inspector jong ka food supply (East jaintia hills) u bah B.Pohshna halor katei ka kam. Ka seng ka kyntu ia ki paidbah ba kim dei ban ngeit bad shah thok ha kum kitei ki khubor hamsaia. Ka seng ka la maham ruh ba lada ka lap ia ki riew shim kabu, kin leh da kaba tyngeh.