Pynneh ka Congress ia u Bah PN Syiem kum u CEM, poi lut ki 15 MDC sha ka jingialang

Shillong, 14 Naiwieng:
Mynta ka miet ka jingialang ka seng Congress, kaba la long ha ing u President ka MPCC u Dr.D.D Lapang , ka la rai pynskhem ia u Bah Pynshngain N syiem kum u Chief Executive Member ka Khasi Hills Autonomous district council (KHADC). Ha katei ka ingia lang la poi lut baroh 15 ngut ki MDC Congress ryngkat ka jingiadonlang ki heh ka seng Congress ba kynthup ia u Bah Lapang, Bah HDR Lyng doh bad Bah Prestone Tynsong. Ha ka jingialang ki la ia kren ia bun kiei kiei kiba ia dei bad ka kam seng, bad hakab khad duh ki la shim ia ka rai bad ka jingmynjur ban pynneh biang ia u CEM ba mynta u Bah PN Syiem ha ka shuki kaba u don.
Kham mynshuwa la mih ki khubor kiba la saphriang ba ka la don ka jingujor hapdeng ki MDC ka seng Congress ia u Bah PN Syiem kum u CEM, hynrei hadien ba la wai katei ka jingialang u Dr.Lapng u khliehduh ka Congress ha ka jylla u la ong bay m shym la don kano kano ka jingujor ia u Bah Pynshngain hynrei ka dei tang ka jingtip ba la ioh lum. Shuh shuh u Bah Lapang u la ong ba kane ka dei ka kam ing kam sem jong ki kaba ki lah ban ia pynbeit lada don kano kano ka jingeh.
U Dr.Lapng u la ong ruh ka seng kam don por ban ia pynkhyllem shuki khamtam ha kum kane ka por ba ka elekshon MDC ka la hajan, hynrei ka kam jong ka party mynta ka long ban pynkhlain bad ban pynkhreh na ka bynta ka elekshon.
Na katei ka jingialang la thaw ruh ia kawei ka komiti ka Co-Ordination Committee na ka bynta ban peit bad ban ia pynbeit ia ki jingeh kiba mih ha ka komiti. Ia katei ka komiti la khlieh da u CEM-Bah Pynshngain kum u chairman, u Bah Keneddy Khyriem kum u Secretary bad ki dkhot jong ka ki kynthup ia u Bah Fabian Lyngdoh u Chairman ka ing dorbar KHADC, u Bah Mansturdy Nongremu CEM barim ka KHADC bad u Dr.Celestine Lyngdoh. Katei ka komiti ka dei ban peit bad ban ia pynbeit ia kino kino ki jingiapher jingmut bad ki jingbym ia sngewthuh jingmut hapoh ka seng Congress ha KHADC.