Shillong: Ka HYC hapoh ka jingialam u General Secretary jong ka u bah Robertjune Kharjahrin mynta ka sngi ka la leit ia kynduh ia u EM ka tnad Land Revenue jong ka KHADC u bah Hadrian Lyngdoh ban dawa ba ka KHADC kam dei ban ai jing mynjur, halor ka jingthmu ki trai khyndew ban die jaka sha ki shipai BSF ha Rangthong, South West Khasi hills.
Katei ka seng ka pyrshah ban die jaka sha ki shipai namarba ka la ong ba shisien ba ki shipai ki ioh jaka kin ym shah ban rung briew bad kin pynthud ia ka leit ka wan bad ka shongsuk shongsaiñ ki paidbah. Nangta katei ka seng ka la ong ba shisien ba la ioh jaka ki shipai ki Dorbar Shnogn ne ki dorbar Hima kin ym don bor shuh ban tuklar. Katei ka seng ka la ong ruh ba ka jingwan ki shipai kam wanrah ia ka roi ka par hynrei ka pynshong syier pynban ia ki nongshong shnong.