Huri hura ka kad khaii ha Dawki

Shillong, 14 Naiwieng:
Mynta ka sngi ka la mih ka jingiahuri hura hapoh ka kad khaii khappud kaba don ha Dawki-Tamabil sha Bangladesh. Katkum ka tyllong khubor ba la ioh lum la ong ba ka jingiahuri hura ka la mih hadien ba kawei ka longkmie kaba la tip kyrteng kum ka kong Dolly Khonglah bad ka la mih ka jingikren kaba khlem ia sngap shuh iano iano ruh haduh ba la mih ki jingiaktah kti para nongiakhaii, bad na katei ak jingjia ka la don ruh ka jingia rejistar case pulit kaba mar kylliang hapdeng ki nongkhaii.
Ka tyllong khubor ka la iathuh ruh ba bun ki la kynnoh ba katei ka jingjia ka dei na ka jingleh ki Custom jong ka Ri-India kiba la shah ban leit ki trok sha Bangladesh , kaba don ia ka pakhang shnong bad la iathuh ruh ba na ka liang jong ki Custom ka Bangladesh ruh kim shym la ai kano kano ka jingpynshlur. La ong ha katei ka jingjia, u SP ka West Jaintia Hills u la hiar dalade hi ban tuklar halor kitei ki jingjia.