T .5 klur mang ka sorkar ia ki samla khlem kam

Shillong,14Naiwieng:
Ka sorkar jylla ka la mang pisa haduh T.5 klur tyngka na ka bynta ban pyntreikam ia ka ‘Skill Development Programme’ da ka jingthmu ban ai kam sha ki 2000 ngut ki samla khlem kam khlem jam ha baroh kawei ka jylla.”Ka sorkar ka la mang T.5 klur tyngka na ka bynta ban pyntreikam ia katei ka prokram da ka jingthmu ban ai kam ai jam sha ki 2800 ngut ki samla khlem kam ha baroh ka jylla” ong ka kong ampareen Lyngdon Myntri ka tnad Labour ka jylla. Ka kong ampareen ka la pyntip ruh ba ka jylla ka la ia soi bad ki 10 kompani kiba dei na Guwahati, Pune, Kolkata, Bangalore bad Delhi ki ban ai jinghikai ha ki 47 tylli ki jait kam khaii ka ban ia hap bad ia ryngkat bad ka sap jong ki.
Kitei ki kompani ba ka sorkar ka la ia soi ki long ka Six Sigma Educom, Lachumiere, ETPL (India) Skills Development, Shillong, Orion Edutech Pvt Ltd Kolkata, IL&FS Education Technology Service Ltd, Noida, NYDA Nongkrem, Avenues Shillong, Gazelle Information Technology Pvt Ltd, Edubridge Learning Pvt Ltd Mumbai, HP Institute of Insurance Guwahati bad Darpan, Guwahati.
Kitei ki kompani kiba ka sorkar ka la ia soi kin sdang ia ka jingleit ai jinghiakai jong ki sha ki jaka bapher bapher jong ka jylla ka ban sdang naduh ki Block bad ki shnong ki thaw ha kaba yn sdang ia ka kynhun ba nyngkong naduh u Kyllalyngkot u snem ban wan bad yn pyndep ia katei ka jinghikai ha u bnai jylliew u snem ban wan.
Katto katne tylli ki jinghikai kiba ki kompani kin wan ban ai jinghikai ki long ka kam kumno ban pdiang sngewbha ia kiba na bar lane ki kam ha ki kynja hotel , IT, tylliat maw bad kiwei, ka kong ampareen ka la ong ruh ba kitei ki kompani kin ai jinghikai kumba 3 haduh 6 bnai ia ki samla pule khlem kam. Ka sorkar jylla ka ai pisa naduh T.20 haduh T.25 hajar tyngka sha uwei u samla kaba kynthup ia ka Stipend jong ki, ka kong Lyngdoh ka la ong ba ka yn pynrung ia ki samla kiba la pass ia ka klas VIII shaneng. Ka Myntri ka tnad Labour ka la ong ba ia ka State Skill Development Council (SSDC) la thaw hadien ka jingmynjur da ka National Skill Development Council (NSDC) kaba la khlieh da u Myntri Rangbah duh ka Ri u Dr. Manmohan Singh.