Shillong:Ka Meghalaya Youth Association Pune (MYAP), ka la phah dorkhas mynhynnin ka sngi sha U Bah AL Hek, myntri ka koit ka khiah jong ka sorkar Jylla, ha kaba ka la pynpaw, halor ka jingdonkam ia ki kamra kiba biang, ia ki briew kiba leit shah sumar sha Mumbai, ha kaba kin ioh ban sah ha ka iing jong ka sorkar Jylla ha katei ka nongbah. Nangta la pynsngew ruh ba ka leit ka wan na Navi Mumbai sha Central Mumbai bad Western Mumbai, ka long ka jingeh kaba khraw ia kito ki bym pat ju mlien ban leit sha katei ka nongbah bad kumta, la dawa na ka bynta ban buh da kawei ka kali kit nongpang ha katei ka nongbah, ba kan pynsuk ia ki nongpang kiba leit shah sumar ha katei ka nongbah, ong ka dorkhas ba la phah da U Amsrang D Momin, President MYAP.