Shillong: Ka Shillong Lajong ka la pynliem ia ka Pune City da 3-2 ha ka jingiakhun jong ka lympung Hero Super Cup kaba long mynta ka sngi ha madan Kalinga Stadium ha Bhubaneswar.
Ha ka jingialehkai, ia ka Pune City ki ar tylli ki kol la thep da u Marcelinho bad u Lucca ha ka 17 minit bad ha 22 minit.
Hynrei ka Lajong ka la lah ban khyllie ia kaba kaba la shah thep ha kaba u Abdoulaye Koffi u la thep ha ka 29 minit.
Ha ka kyllamiet, ka Lajong ka la ioh biangg ha 61 minit da u Rakesh Pradhan ban pyniakhaid.
U nam tam ia ka Lajong ka la wan urlong ha ka 91 minit lyngba u Samuel Lalmuanpuia u la thep ban knieh nam da 2-3.
U nongialehkai ka Pune City u Marcelinho u la shah beh syndon na madan ha 95 minit hadien ba u la leh brut ia u Samuel Lalmuanpuia.
Da kane ka jingjop, ka la rung sha ka quarter phainal jong kane ka lympung Super Cup.
U Samuel Lalmuanpuia u la ioh ia ka khusnam Hero of the Match.
Ka Lajong kan iakhun ia ka Mohun Bagan ha ka quarter phainal ha ka 11 tarik.