Shillong:U Conrad Sangma, myntri rangbah ka Jylla, ula kren hi ia ki Deputy Commissioner bapher jong ki District ha ka Jylla, na ka bynta ban ioh khubor halor ka jingshah pynjot ki jingthung jingtep, ki iing ki sem, na ka jinghap slap kaba la jia mynta ka sngi, ha kiba bun ki bynta jong ka Jylla. U Conrad, ula bthah ruh ia ki nongtrei jong ka Disaster Management and Revenue Department ba kin lum jingtip kaba shai halor katei ka phang. “Ki jingiarap kin leit sha kito kiba la shah ktah ha kane ka jingjia” ong u myntri rangbah ka Jylla. U MR, ula bthah ruh ia U Chief Secretery bad kumjuh ia U Additional Chief Secretary, ba peit ia ka Revenue and Disaster Management ban phah ia ka jingtip kaba shai halor katei ka jingshah pynjulor ki iing ki sem bad ki jaka rep.