Shillong: U Myntri ka tnad ialehkai ka jylla u Bah Banteidor Lyngdoh ula aiti ia ka soskular jingiateh jong ka National Games 2022 ka Host City Contract sha u Myntri Rangbah u Conrad K. Sangma ha kane ka sngi Balang ha kaba la synran lang ki ophisar ka tnad ialehkai, ki nongkitkam ka Meghalaya State Olympic Association.
Hadien kane, u Myntri Rangbah u la pyllong ruh ia ka jingialang bad kine ki nongialam ban iakren kumno ban thaw ia ki lad ki lynti ban pyllong ia kane ka jingialehkai kaba iaid beit bad kaba jop.
U Myntri Rangbah u la ban jur ban pynieng ia ki madan ialehkai, ki jaka ialehkai kiba biang bad ban pyndep ha ka por kaba biang ba ka National Games 2022 ka dei ban long ruh ka jingmyntoi ia ka jylla ha ka kam jngohkai pyrthei, bad kiwei.
