Ujor u OC Nongstoin ia ka HANM

Shillong,12 Naiwieng:
U Officer-in-Charge ka Nongstoin PS u la ujor ba ha ka 1 tarik mynta u bnai, u Bolly Roy Lyngkhoi, GS, HANM West Khasi Hills bad kiwei pat ki para dkhot jong u ki la byrngem ban thaw da kawei pat ka seng lehnoh ha katei ka district lada u DC um shah shkor ia ka jingdawa jong ki. Lah ban kdew ba ka HANM ka la dawa ban pyllait ia u President ka seng u Bah Arphul Kharbani, uba la shah pynngat MPDA hapoh ka 48 kynta. U la ujor ruh ba ki la byrngem ban kyrshan ia ka HNLC ha ka jingtreikam jong ka.