Shillong: Ki nongialam jong ka Khun Hynniewtrep National Awakening Movement (KHNAM), ki la pynpaw pyrshah, halor ka rai jong ka ophis BSNL, ban pynlong trei ha ka Sngi Thohdieng, ka ban wan, ka 30tarik Lber 2018, kaba dei ka Sngi rakhe Good Friday.
U Bah Thomas Passah, President jong ka kynhun samla jong ka KHNAM, lem bad kiwei de ki dkhot jong katei ka seng, ki la ia kynduh ia U Rajendra Kumar, General Manager ka BSNL, uba peit ia ka HR and Admin, hynnin ka sngi, ban pan jingshai halor katei ka rai bad ban pyrshah jur ia katei ka jingthmu ban pynlong trei ha ka Sngi Good Friday. U Kumar, la sngewthuh ba ula pynsngew, ba un sa iakren ia katei ka kam bad ki bor kiba halor, hynrei ki lad khubor, ki iathuh ba katei ka rai, kam shym la wan na katei ka ophis kaba na Shillong, hynrei, ka wan na ki bor ba halor jong ka BSNL.