Shillong: Ka St Anthony College ka la pynliem ia ka KL Bajoria ha ka jingiakhun jong ka Semi phainal ka NEHU Inter College Cricket (shynrang) Tournament 2017-18
Ha ka jingiakhun mynta ka sngi, ka K.L.Bajoria College kaba jied ban tied nyngkong ka kamai 54 ron ha 11.2 over hadien ba la hap lut baroh ki wicket. U Ralsang Marak na K.L.Bajoria College, u kamai 19 ron na ki 11 bol katba u Akash Choudhury ka St. Anthony’s College u pynhap 5 wicket ha ka 0 over hadien ka 16 ron. Haba beh ia kane, ka St. Anthony’s College ka kamai 60 ron hadien ba hap 1 wicket ha ka 6.2 overs. Ka St. Anthony’s College ka lah ban pylliem da 9 wicket. U Anish Charak ka St. Anthony’s College u kamai 42 ron na ki 18 bol.
Ha kawei ka jingialehkai, ka St. Edmund’s College ka la shah pylliem ha ka Shillong College. Hadien ba la kam ban tied nyngkong, ka Shillong College ka kamai 163 ron ha 20 over hadien ba hap 7 wicket. U Kishan Lyngdoh ka Shillong College u kamai 56 ron na ki 35 bol. U Adarsh Joshi ka St. Edmund’s College u pynhap 2 wicket na 3 over hadien ka 12 ron.
Haba beh ia kane, ka St. Edmund’s College ka lah ban kamai tang 119 ron bad hap baroh ki wicket ha ki 17 over.
U Amit Gour ka St. Edmund’s College u kamai 32 ron na 34 bol katba u Deepak Kumar Roy ka Shillong College u pynhap 2 wicket ha 3 over hadien ka 14 ron. Ka Shillong College ka la pylliem ia ka St. Edmund’s College da 44 ron.
Lashai ka jingiaknieh ia ka nam lahduh kan long hapdeng ka St. Anthony’s College pyrshah ia ka Shillong College por 9.00 am