Ka Shillong Lajong FC, kan ia khun pyrshah ia ka FC Pune, kaba la ialehkai ha ka Indian Super League, ha ka jingialehkai sdang jong ka pre quarter final, ha ka Hero Super Cup 2018, ha ka 4tarik Iaiong 2018 ha Kalinga Stadium, ha Bhubaneswar, Odisha.
Ka Lajong, ka wan ha ka number 6, da kaba ka kamai 22 point ha ka jingialehkai ba ladep jong ka Hero I Leage bad kumta mynta kan ioh rung ha ka round kaba 16, ka ban long naduh ka 31tarik Lber haduh ka 6tarik Iaiong 2018.
Ka jingialehkai kan sdang naduh ka 15 bad 16tarik Lber hapdeng kito 4 tylli ki team kiba tlot tam bad ki 4 tylli kiba wan ha khmat duh, ki ban ioh rung sha ka Round 16. Baroh ki jingialehkai kin long kiba ialehkai tang shisien, ha kaba yn ialehkai ha Kalinga Stadium ha Bhubaneshwar, Odisha.