Shillong: Ka Mawkynrew Cup Committee (MCC) ha ka 10 tarik Lber 2018 kala sam khusnam sha ki ar tylli ki kynhun kiba la poi sha ka phainal ka 1st Mawkynrew Cup ha ka jingialang kaba la long ha Madan Shnong jong ka Jatah Lakadong ha kaba la wan da sakhi da ki ki paidbah ba la don lang myntri ka tnad ialehai u Bah Banteidorlang Lyngdoh uba dei na kane ka thain hi.
Ka lahduh ha kane ka jingialehkai ka Nohron FC ka la iohrah ia ka song tyngka kaba T.1,20,000/- (Shi Lak Arphew hajar Tyngka) lem bad ka khusnam katba ka kynhun ialehkai na ka Dienglieng Sports Club kaba la shah jop kala iohrah ia ka song tyngka kaba long T. 60,000/- (Hynriew Phew Hajar Tyngka) lem bad ka khusnam da u Kongsan.
La sam ruh ia ki khusnam bapher bapher kiba kynthup ia ka Nam Man of the Match sha u Samla Ontis War (Nohron FC), Best Goal Keeper sha u Samla Donaldson Lyting (Nohron FC), Top Scorer sha u samla Shahlem Lynshiang (Nohron FC) da ka song Tyngka kaba long mar T.1,000/- (Shi Hajar Tyngka) lem bad ka khusnam, katba ia ka nam Discipline Team la iohrah da ka Mawpyrshong Sports Club da ka song Tyngka kaba long T.1,500/- (Shi Hajar San Spah Tyngka) lem bad ka khusnam bad kumjuh ruh ia ka Best Match Pass la iohrah hi da ka kynhun jong ka Mawpyrshong Sports Club kaba la iohrah ia ka song Tyngka kaba long T. 10,000/- (Shiphew Hajar Tyngka).
Ha katei ka sngi na ka liang jong ka Mawkynrew Cup Committee (MCC) kala pynkup burom kyrpang ia U Bah Banteidor Lyngdoh (Bah Pai) Advisor jong ka MCC uba long baroh shi katta u MDC Mawkynrew Constituency hynrei uba la long pat mynta u MLA bad uba long ruh ha kajuh ka por u Myntri sorkar ba dei khmih ia ka Sports & Youth Affairs ha ka sorkar Meghalaya Democratic Alliance uba la long kum u Kongsan ha katei ka sngi.