Shillong: Ka Umsning bad ka Mawpat ki la jam shakhmat ha ka jingiakhun jong ka lympung phutbol ba pyniaid da ka Assam Rifles ka 3rd Assam Rifles Invitational Football Cup.
Ka Umsning ka la pynliem da 3-0 ia ka Nongrim Hills ha ka jingiakhun hynnin ka sngi ha madan Assam Regimental Centre Football Ground, Shillong.
Katba ka Mawpat ka la pylliem ia ka Umphrup da 2-1 kol ha ka jingiakhun kaba long ha kane kajuh ka jaka.
Ia ka Umsning ka la thep ha ka 13 minit na u Oversharp Iawphniaw bad u Andyson Lapang ha ka 65 minit bad ka kol kaba lai la thep da ujuh u Andyson Lapang shwa ban wai ka jingialehkai.
Ha kawei ka jingialehkai, ka Mawpat ka la pylliem ia ka Umphrup lyngba ki ar kol na u Pynehbok Pyngrope ha ka 29 minit bad sa u Tyngshain Marboh ha ka 43 minit. Ka Umphrup ka la ioh thep kawei lyngba u James Kharrngi ha ka 75 minit.
Lashai ka sngi, ha ka por 10 am, ka Smit kan iakhun ia ka Lawmali, katba ka Kith United kan iakhun ia ka West Madan ha ka por 12:30 pm ha madan Assam Regimental Centre.