Shillong: Ka sorkar kaba ialam da u Conrad K Sangma myntri rangbah ka jylla mynta ka sngi ka la bate kam Chairman ia ki 12 ngut ki MLA ki bym shym la ioh rung ha ka thup jong ki myntri sorkar. Kitei ki 12 ngut ki MLA kiba la ioh ia ki kam Chairman ki long u bah Sanbor Shullai Chairman jong ka MTDC, u bah Jason Sawkmie Mawlong Chairman jong ka MGCC, u bah Gavin Mylliem Chairman KHADI Board.
U bah Dasakhiat Lamare Chairman jong ka MUDA, u Brenning A Sangma Chairman MMDC, u bah Renikton Lyngdoh Tongkhar Chairman jong ka Meghalaya Non Conventional Energy Agency. U Rupert Momin Chairman MIDC, u Macmillan Byrsat Chairman jong ka Meghalaya State Law Commission, u bah Gigur Myrthong Chairman jong ka Meghalaya State Housing Board, u Jim M Sangma Chairman jong ka Transport Corporation, u Pongseng R Marak Chairman jong ka Meghalaya State Grievances Committee bad u S.G Esmatur Momin Chairman jong ka Forest, Development Corporation.