| Ka Phlim INAMORATO, Jaintia Phlim kaba la shna bad pynwan dur da u Samla Jimmy Raul Kharmuti, hadien ba la dep pynbit pynbiang ia kane ka Phlim, kala leit buh ia ka Certificate ban ioh pyni ia kane ka Phlim ha Bijou Cinema Hall Shillong naduh u Bnai ba Khatar mynshem snem. Ki paidbah kila thrang dik dik ban ioh sakhi da la ki khmat ia kane ka phlim kaba kren halor ka nongrim ka jingjot ka shongkha shongman bad ki jingsniew kiba mih bad ktah ia ka imlang sahlang. Haba iakren bad ki katto katne ki riew rangbah bad ki longkmie ki la ong ba ki thrang dik dik ban iohi ia kane ka phlim namar kalong ka phlim kaba ktik jingmut bad kaba don nongrim.
Hadien ba la ioh ban ia kren bad u Director kane ka Phlim INAMORATO, Samla Jimmy Raul Kharmuti ula ong ba ka don ka jingkyrmen kaba khraw ban ioh pyni noh ia kane ka Phlim ha Bijou, Shillong, ula ong ruh ba um lah khlem da pynpaw ka jingsngewnguh ia baroh ki nongkyrshan jong kane ka phlim kiba la iaishah bad ap khmih lynti ban iohi noh ia kane ka phlim. Kumta ula kyrpad ia baroh ki para Kur ki paradoh parasnam bad ia baroh ki nongkyrshan bad ai mynsien ia kane ka phlim ban ai ka jingkyrshan ia kane ka Phlim da kaba ki wan peit bad sakhi da lade ia kane ka Phlim ha Bijou Cinema. U la ong ruh ba ia ka tarik kaba tikna un sa ai jingtip shen ha ki lad pathai khubor, ka don ruh ka jingkyrmen skhem ban ioh ia ka jing kyrshan ba radbah na ki riew rangbah bad ki longkmie, ki khun samla, khamtam na ka Sorkar jylla thymmai hapoh ka jingialam u Conrad Sangma halor ka nongrim namar ka Phlim Industry kadei kawei kalad ai kam ai jam bad ruh kalad kyntiew ia ki jaka shangkai bad jngoh kai kiba bun byllai badon hapoh ka jylla Meghalaya bad ruh kaba lah ban wanrah iaka nam ka burom ka jylla lada ka ioh ka jingkyrshan bap aka na ki paidbah bad ka Sorkar Jylla. |
