Ki MLA Congress kum u maw:RBYDSO

Shillong, 8 Naiwieng:
Ka Ri Bhoi Youth Development and Social Organisation (RBYDSO) Western Ri Bhoi Border Circle ka la ong ba ki MLA ka Congress ki long kum u Maw bym nang ban kren.
Ha ka kyrwoh ba la pynlait da u samla Active Pator, President ka pynpaw ka jingbitar ia ka jinglong mynthi u Dr Mukul Sangma Chief Minister ka Jylla, ban kyntiat ia ka sur bad ka jingangnud u paidbah ban pyntreikam ia ka Inner Line Permit ha kane ka Jylla. Shaei kata ka jingshakri paidbah u Dr Mukul, haba um leh ia ka jingangnud ki paidbah, la buh jingkylli ka RBYDSO bad balei ki nongmihkhmat ka congress ki long kum ki mawbynna kim lait ban ang shikyntien ruh.
Ula ong, lada kine ki nongmihkhmat kim sngew thuh ia ka jingeh ki paidbah tyngba ba la ioh shuki ka bha ban ai jingsneng elekshon MDC bad MP ba kin sngew thuh. Ha ka jingshisha ki la dei ban iakren lem ia u Mukul kum ki nong ialam ban pynpaw ia u paidbah ba ka jingshakri kam dei tang da ki shkim pynroi hynrei ban iasaid da ka ktien na bynta ka bha ka miat u paidbah ym tang ia ka ILP bad khamtam ka jingkiew dor ki marbam mardih ha kane ka jylla.
Na ka liang ka seng ka pynpaw ia ki 10 tylli ki seng kiba la lamkhmat ba kin iaid beit shakhmat ban trei shitom na bynta ka bha ka miat ka jaidbynriew. “Ka RBYDSO ka kyrshan ia ki sengbhalang baroh kiba la ianohkti ban dawa na ka sorkar ban pyntreikam ia ka ILP,” ula bynrap.