Lah ban lait patok u heh HANM

Shillong,8 Naiwieng:
Ka Sengkmie jong ka HANM ha ka 5 tarik mynta u bnai ka la ia kynduh u DC ka West Khasi Hills ha Nongstoin, ban ia mir jingmut bad u halor ka jinglong jingman ha katei ka District ha kaba ki dkhot ka HANM ki la shah kem. Ha katei ka jingiamir jingmut na ka liang ka sorkar ka la mynjur ban pyllait noh ia u Gabriel Sohlang u ba long u Finance secretary ka seng, bad shen ruh yn sa pyllait noh ia u Bah Arphul Kharbani President uba dang don mynta ha Tura District Jail bad uba la shah pynngat MPDA.
Ka HANM ka la pynlong ia katei ka jingiakynduh bad u DC , da ka jingmut ba ka seng kam kwah ba ka ding kan pur sha baroh kawei ka jylla bad kumjuh ruh ban wanrah ia ka shongsuk shongsain ha West Khasi Hills bad ha ka jylla baroh kawei. Ka seng ka la pynpaw ruh ia ka jingkmen namar ka jinglah jong ka ban ia kren pynbeit bada ki bor district namar ka bha ka miat bad ka roi ka par ka West Khasi Hills. Ha ka tei ka jingia kynduh bad u DC , u DC u la kyntu ia ka seng ba kan weng noh ia ka pakhang shnong ba ka pynbna ban pynlong ha ka 12 tarik mynta u bnai.
Lah ban kdew hangne ba na ka liang jong ka HANM sengkmie hapoh ka jingialam u president bah Lamphrang kharbani bad u bah Alban K Gashnga General Secretary ka la iakynduh ia u DC ha ka 5 tarik mynta u bnai ha kaba ka la dawa ba dei ban weng noh ia ka MPDA pyrshah ia u bah Arphul kharbnai Presdient bad kumjuh ruh ban pyllait noh ia u bah Gabriel Sohlang Ficnace Secretary ka West Khasi Hills bad ban sangeh thwet ia ki nongialam jong kane ka District ha kaba u DC u la mynjur.