Shillong: Ka HSPDP ka kyntait war ban iatreilang bad ka seng Congress lane ka seng BJP ha kaba thaw sorkar ha ka Jylla bad katei ka seng, ka kwah ruh ban ioh myntri rangbah da U Khasi, ym U Garo.
U Bah Ardent Basaiawmoit, President jong ka seng HSPDP, haba iakren mynta ka sngi bad ki kotkhubor, u iathuh ba katei ka seng, kaba don arngut ki MLA kam mynjur ban iatrei lang bad kitei ki seng heh jong ka India bad U Bah Ardent, ula pynsngew ruh ba U Dr Donkupar Roy, nongialam jong ka UDP, um lah satia ban shim rai, ha ka kyrteng jong ka seng HSPDP bad ban thaw ia ka kynhun Regional Democratic Alliance (RDA) bad ba un tyrwa ia U Conrad Sangma, kum u myntri rangbah ka Jylla.