Shillong: Hadien ka 27tarik Rymphang, uRupang.com ula buh ia ka jingkylli sha ki nongpule, ia ki seng ki ban thaw sorkar ha ka 5tarik Lber 2018 bad ki don 570ngut kiba jubab bad ha ki jubab jongki, ki pyni ba ka UDP bad ka HSPDP, ki don ha khmat eh ban thaw sorkar lane kaba long 21% percent lane 122 vote. Ka Congress bad ka UDP, ki wan ba ar, da kaba ka ioh 19 percent lane 107 vote.
Na bynta ka Congress shi seng, kiba kyrshan ki long 17 percent lane 96 vote bad na bynta ka BJP bad ka NPP, ki don 14 percent lane 80 vote bad na bynta ka NPP marwei, ki don 12 percent lane 69 vote, katba ia ka Congress bad ka NPP, ki don kiba kyrshan tang 6 percent lane 32 vote bad na ka bynta ka PDF ki don 5 percent lane 31 vote bad ia ka UDP marwei ki don 4 percent lane 21 vote bad ia ka BJP marwei ki don 2 percent lane 12 vote.