Shah rahbor ka samla

Shillong,7 Naiwieng:
Mynhynnin ka sngi ha ka por 6 baje eiei janmiet, u Bikash u la rahbor ia ka wei ka samla kaba la tip kyrteng kum ka Pooja Modak, 16 snem na Nongrimmaw, Laitum khrah. Ki Pulit ka Laitum khrah ki dang thwet ban ioh kem ia u Bikash bad ioh pynlait im ia ka samla. Ka la don ka jingsuba ba ki iadei shi samla. Ha ka wei pat ka jingjia, ha ka 5 tarik mynta u bnai, ha ka por 5 baje eiei janmiet u nongniah jong ka wei ka auto rickshaw kaba don ia u nombar ML-10A-8768 u bym lah ban ithuh ryngkat bad uwei u nongleit jingleit ki la rahbor ia kawei ka khynah kynthei sha khlaw Ronghona ha Byrnihat OP, Ri Bhoi bad ki la batbor ia ka. Ia katei ka kali ki pulit ki la ioh ban kurup bad ka dei ka kali jong u Simon D.Sangma. Ki Pulit ki dang tohkit ia u trai kali ban ioh kem ia ki runar.