La iathuh ba ka Sridevi, ka khlad noh, tang na ka daw, ba ka leit ur bakla ha ka pung sum ha ka hotel ba ka sah ha UAE, ha kaba ka la khlad ha ka 24tarik Rymphang 2018, ha ka por 11baje mynmiet bad kumta ka jingkhlad jongka, kam dei satia na ka jingkyndeh shadem.
La antad, ba yn wan rah ia ka met jongka Sridevi mynta ka miet sha Mumbai, ynda haba la pyndep ia ki kot ki sla baroh ha Dubai. Ka liengsuin ba kyrpang, ka la mih na Mumbai ban leit shaw ia ka met jong ka Sridevi na Dubai bad la khmih lynti, ba ka jingleit on thang ia ka, kan loh mynta ka miet lane haduh lashai ka Sngi.
