Jowai: Ki paidbah ka Mowkaiaw Constituency ki la wan kit ia u khaw, ki jhur na ka bynta ban synniang ia ki kyrtong jong ki kiba dei na ka INC bad kumjuh na ka bynta u kyrtong ka UDP.
Ki mar ba la synniang da ki nongkyrshan ka UDP na Shilliang-Myntang ia u ma Nujorki Sungoh
Katkum ka jingpyllait khubor na u Election Secretary ka UDP ha katei ka Constituency, u la ong ba ki paidbah nongkyrshan ka UDP ha Shilliang Myntang hynnin ka sngi ki la kit da u khaw, ki jhur, ka Umphniang bad kiwei kiwei ki marbam na ka bynta ban iarap ia u ma Nujorki Sungoh uba dei u kyrtong ka UDP na katei ka thain.
“Na ka liang u ma Nujorki Sungoh haba pdiang ia kitei ki jingai sngewbha, u la ai khublei ia ki bad u la kyrpad ruh ia ki ban buh ha ka jingduwai ban poi sha ka thong ka jingjop ha kane ka Election 2018”, la ong u ma SD Synnah, Secretary Election Commitee