Shillong: Ka BJP ka la kular ba kan weng noh ia ka jingshah tih dewiong ha kane ka jylla tang hapoh 180 sngi lada kan wan ha ka bor ha kane ka jylla.
Ka party ka la kular ruh ba kan pynhiar dor ia ka bai thang ding sha ka 30 percent ha jaka sor bad ha ka jaka nongkyndong yn sa pynhiar 50 percent.
Ia kane ka mat elekshon la pyllait paidbah mynta ka sngi da ka Myntri iada ri ka Nirmala Sitharaman ha Shillong bala don lang u President ka BJP u Bah Shibun Lyngdoh, u Myntri tnad kam jngohkai u KJ Alphons bad u Nalin Kohli uba dei peit ia ka BJP Meghalaya nalor kiwei pat.
Katkum ka mat elekshon, ka BJP ka la kular ba kan kyntiew ia ka kam tih marpoh khyndew ryngkat ka jingiada iaka mariang bad ki khlaw ki btap.