Shillong: Haduh khyndai ngut ki briew ki la mynsaw ha ka jingjia aksiden kaba la jia mynta ka step ha ka por 10:30 ei ei ha 12 mer, Mylliem. Ha kane ka jingjia aksiden, kawei ka kali toris Indica kaba don ia u number ML04 B 5037 ka la leit ban tyngkhuh ia ka Mahindra Bolero ML05 Q 7448 kaba la iaid pyrshah. Katkum ki tyllong khubor ki iathuh ba kane ka kali Indica kaba la iaid stet bha ban leit na Shillong sha Pynursla katba ka Bolero pat sha Shillong. Ka Indica ha kane ka jingjia ka la julor bun katba ka Bolero pat ka la hap sha nala kaba don 20 phut shapoh ka surok. Ia ki khyndai ngut kiba la mynsaw la kit sha ka jaka sumar da ki kali 108, ambulance shimet bad kali pulit bad kumjuh ruh ki pulit mar mar ki la leit beh sha kane ka jaka mar ia tip ia kane ka jingjia ba sngewsih. Ki lai ngut kiba mynsaw kiba kynthup ia u Konestar Marbaniang, 28 snem na Mawkynrot, Danliroy Lyngkhoi, 32 snem na Lapalang, Shillong bad ka Dashisha Rani, 30 snem ka rta na Laitmawsiang la kit sha Civil Hospital, Shillong.
Ka Indica kaba la julor bun hadien ba iatyngkhuh bad ka Bolero