Shillong: Ka jingiakawang ktieh hapdeng ki seng heh na Delhi ka jubor bha ha kane ka elekshon ha Meghalaya. Katba ka Congress ka kynnoh ba ka BJP ka dei kaba shit niam hynrei ka BJP ruh kam pynap satia da kaba kynnoh ba ka Congress ka dei kaba wanrah ia ka niam ha kane ka elekshon da kaba pynbor ia ki Balang sha ka elekshon.
Haba kren sha ki nongthoh khubor mynta ka sngi, u MP ka Congress u Guarav Gogoi uba dei na Assam, ula ther ba ki seng riewlum ki dei ki ejen jong ka BJP ban pynioh jaka ia ka ha kane ka jylla.
“Ki paidbah ki dei ban sngewthuh ba lada ki jied ia ka NPP, UDP ne ki seng riewlum ka long kumba ki jied ia ka BJP namar ba ki don ka jingiadei”, la kam u Guarav.
U nongialam jong ka Congress uba long ruh u MP jong ka Assam u Gaurav Gogoi uba dang iakren bad ki nongthoh khubor ha Shillong ryngkat bad u bah Vincent H Pala, MP mynta ka sngi