Yn nym ailad ain shongwai: CEM

Shillong,4 Naiwieng:
U CEM ka Bah Pyn shngaiñ N Syiem u la pyn thikna ba ka Council kan ym ailad ba ka ain shongwai ba la pynkhreh da ka sorkar ka Meghalaya Regulation of Landlords and Verification of Tenants Bill kan leh khlieh ia ki riti dustur jong ka jaitbynriew bad ka Council kumba la pynkup bor ha ka Sixth Scheduled ka riti synshar ka ri.
“Ngi la rai ban pule bniah ia ka Bill ba dang pynkhreh ka sorkar”, la ong u Bah Syiem haba kren hynne sha ki nongthoh khubor.
U la iathuh ba un sam ia kane ka Bill sha baroh ki MDC ka KHADC khnang ba kin lah ban pule ia ka.
“Hadien ba la ioh ia ki jingai jingmut jong ki MDC, ka Executive Committee kan aiti ia ki jingai jingmut jongka sha ka sorkar jylla halor kane ka Bill”, la ong u Bah Syiem said.
Ha kajuh ka por, u CEM u la ong ba ka Council kan sa khot ia ka jingialang jong ki khlieh nongsynshar jong ki dorbar shnong bad ki Hima ban iakren ia ka jinglong jingman ha kane ka jylla.
“Ngin shim ia ka rai lang na ka jingialang kumno ban thaw ia ki lad ki lynti ban pynkut noh ia ka jingkynrum kynram kaba la mih ha kane ka jylla”, la ong u Bah Syiem.
U sngew ba ka sorkar ka dei ban shim ia ki lad ki lynti ba donkam ban pynjem ia ka jinglong jingman kaba klang ha kane ka jylla namar ba ka la ktah jur ia ki paidbah na ka jingiakhih jong ki sengbhalang bad ka jingpyni bor jong ka sorkar.