Dei ban khot dorbar Hima Mylliem

Shillong,4 Naiwieng:
Ha ka Dorbar ba khadduh ka KHADC kaba la long mynta ka sngi , la iatai halor ka Dorbar ka hima Mylliem kaba la pan bor ban ym khot pynlong dorbar hima shuh namar ka jingbun paid palat bad kane ka wanrah jingeh ban khot ia ka Dorbar hima. Halor katei ka phang ka KHADC ka la shim ia ka rai ba ka dorbar Hima Mylliem ka dei ban khot bad pynlong beit ia ka dorbar Hima , “Ka lah ban ym long shisien shisnem, hynrei ka shong ha ka jingpynbeit ki Executive dorbar , hynrei la kumno kumno shisien shi snem ka dorbar Hima ka dei ban shong beit ha kaba ki nongpyniaid shnong bad ki rangbah shnong kin ia donlang bad ia ka dorbar hima ruh lah ban pynlong katkum ka rai kaba mih nangtei” ong u CEM ka KHADC Bah pynshngain N Syiem.
Haba kdew halor ka jingdonkam ban donkam ka Dorbar hima u MDC ka sohra u Bah T W chyne u la ong ba ka dorbar hima ka dei ban don beit bad lada pynduh ia ka dorbar hima kan ialam ia kiwei pat ki hima ban ym khot dorbar shuh, lada jia ba ka hima Mylliem kam donkam ban shong dorbar. U Bah Titos u la ong ruh ba ka jingbym don ka dorbar hima kan pyllait luid ia u syiem, dei ban pynneh pynsah ruh ia ka dorbar hima katkum ka riti ka dustur, ong u MDC ka Sohra.