Pyllait ka hep 9 snem ia ki para

Shillong, 4 Naiwieng:
Kawei ka khynnah ba dang khyndai snem ka Mersia Saring ka la leh ia ka kam ba khraw da kaba pynlait im ia saw ngut ki para ba dang rit jongka haba ka iing jongka, ka la pluh ha shnong Jair kaba don ha Ri-Bhoi dang shen. Ki kmie ki kpa jong ka Saring ki dang leit jngoh sha kiba haiing ha ka por ba ka iing ka kem ding.
Hynrei katei ka khynnah rit, ka la leh ia kam bah da kaba leit ban pynlait im ia kitei ki para jongka, ka Bonisha Saring ba hynniew snem, u John Saring ba san snem, ka Diba Saring ba hynriew snem bad I Kalarisha Saring ba shi snem. Ka la sei ia ki shabar ka iing ha ka por ba ka iing ka kem ding. Ka iing ka la kylla dpei ha ka jingbam ka ding bad baroh ki jingdon jingem la shah bam lut.
Ka Saring ka la rung hapoh ka iing ka la kerkut la lai sien ha ka ding kaba la iakhun ban ioh lait ban kit bak ia kitei ki khynnha shabar.