Kyrpad pynjlan pakhang surok ka Rangdajied ia ki sengbhalang

Shillong, 3 Naiwieng:
Ka bor pyniaid ka Rangdajied United FC ka la kyrpad ia ki sengbhlang ba kin sngewbha ba kin pynjlan ia ka pakhang surok miet ba la buh na 7 baje mynmiet sha ka 10 baje mynmiet khnang ba kan ym pynthut ia ki paidbah ba wan sakhi ia ka jingialehkai ban long ha ka 5 tarik Naiwieng pyrshah ia ka Salgoacar por 5 baje janmiet.
Ia kane ka jingialehkai yn pyni Live ha TV jong ka channel Ten Action. Haka kyrwoh ba la pynlait, ka Rangdajied United FC Management ka kyrpad ia ki sengbhalang ban kynriah ia ka por na 8 PM sha ka 10 PM.
Ka jingialehkai kan sdang ha ka por 5 PM, bad kan wai ha ka por 8 PM bad kane ka wanrah ia ka jingthymmit ka por ia ki nongpeitkai ban leit phai la iing. Bad kan long ka jingeh ia ki bor pyniaid ban pynbiang lada kan sdang na ka por 8 baje janmiet bad ka Rangdajied ka la kyrpad ia ki sengbhalang ba kin pynjlan na ka 8 Pm sha ka 10 PM ka pakhang surok.