Ka seng BJP, ka la ther tyngeh ia U Rahul Gandhi, President ka seng Congress, ha kaba ula wan sha ka nongbah Shillong bad phong da ka jaket, kaba T.70,000. Katei ka dei ka dur, kaba la buh da ka BJP, ha ka twitter, ha kaba ka pyni, ba katei ka jaket, kaba u phong ha ka janmiet ia rwai ia tem ha Polo, hynnin ka sngi, ka dei kaba remdor shibun.
Ka BJP, ka ong ba katei ka dei ka riam, kaba ula ioh na ka pisa tuh, kaba la lum na ka jingbamsap kaba jubor ha ka sorkar Meghalaya. Ka BJP, ka ong ruh ba ha ka jaka ban bunkam, ha ka ia leit rwai, utei u nongialam BJP, ula dei ban pyni ia kiei ki mat treikam jong ka sorkar Meghalaya, ka bym larkam satia.
Katei ka jaket, ka dei kaba don ar jait bad kaba la suh ha Burberry bad kaba dei ka kompeni kaba na Bilat bad la iohi, ha Bloomingdales website, ba ka dor jong katei ka jaket, ka long T.68,145.