Shah kem u Peon Secretariat

Shillong,3 Naiwieng:
Mynhynnin ka jan miet, ki pulit ki la kem ia u briew uba tuh ia ki tiat computer na Secretariat, na kamra jong u Parliamentary ka tnad Information. Utei u ba la shah kem u dei u Peterson Mawria u Peon ha Secretariat. Hadien ba la shah kem utei u peon u la ialam ia ki pulit sha ka jaka ba la buh ia ki tiar kiba u la tuh bad ia kitei ki tiar la lap na laitkor lyngba ka jingialam jong u. Ki pulit ki la shimti biang ia kitei ki tiar ba kynthup ia ka CPU, key board bad u mouse.
Kum ban shu pynpynmaw ba ha ka 29 tarik u risaw, ka peon jong u Rophul Marak, u parliamentary Secretary ka tnad Information ka la lap ba kitei ki tiar ki la jah na kamra treikam jong u ka kamra kaba don ia u nombar 319, kumta ka la pyntip noh mar-mar ia katei ka jingjia ha kaba la ujor FIR bad ki pulit ki la poi mar-mar sha katei ka jaka ban tohkit ryngkat ki tiar ban lap ia ki dak shympriahkti kumjuh ruh ki ksew pulit.